Ortopedia

Ortopedia

Departamentet e Ortopedisë dhe Traumatologjisë pranë ACIBADEM ofrojnë cilësinë më të lartë të kujdesit në shumë sëmundje ortopedike për pacientët e të gjitha moshave. Ortopedët në ACIBADEM janë të specializuar në një mori fushash si: ortopedia e përgjithshme, rehabilitimi ortopedik, dëmtimet sportive, artroskopia dhe kirurgjia në gju, kirurgjia e shpatullës dhe bërrylit, mikrokirurgjia e dorës dhe e kyçit të dorës, kirurgjia e këmbës dhe e kyçit të këmbës, kirurgjia e këllkut, zëvendësimi i artikulacioneve, mikrokirurgjia, onkologjia muskulo-skeletale, transplantimi, kirurgjia e shtyllës kurrizore, inxhinieria e rehabilitimit, trauma dhe ortopedia për fëmijë.

Në Departamentin e Ortopedisë ofrohen teknikat më moderne të diagnostikimit dhe trajtimet më të reja për të gjithë sistemin muskulo-skeletik, për sëmundjet e shtyllës kurrizore dhe për traumat.

Procedurat janë si më poshtë:

  • Kirurgjia e skoliozës dhe e dislokimit të artikulacionit të vertebrave
  • Krisjet dhe çarjet e tendinëve të muskujve
  • Menaxhimi i të gjitha frakturave dhe dislokimeve tek pacientët me politrauma
  • Kirurgjia artroskopike (shpatulla, këllku, gjuri, të kyçit të këmbës dhe kyçit të dorës)
    • Gonoartroza dhe koksoartroza
    • Protezat e këllkut dhe gjurit
    • Operacionet e ripërsëritura për infeksionet dhe humbjet e protezave
    • Operacionet periacetabulare dhe osteotomitë e larta tibiale
  • Kirurgjia e shtyllës kurrizore
    • Deformime kurrizore (skolioza, kifoza)
    • Spondilolisteza (zhvendosja e vertebrave)
    • Sëmundjet Degjenerative të shtyllës kurrizore
    • Traumat e shtyllës kurrizore ( cervikale, torakale, lumbare, sakrale)
    • Infeksione e shtyllës kurrizore (Tuberkulozi i shtyllës kurrizore, infeksionet jospecifike)
    • Tumoret e shtyllës kurrizore (Primare – Metastatike)
  • Deformimet Ortopedike
  • Kirurgjia për zgjatjen e kockave
    • Aplikimi për fiksues të jashtëm në deformimet e kockave
    • Frakturat e pa ngjitura dhe infeksionet kockore
  • Sëmundje të ndryshme të artikulacionit të këllkut tek fëmijët (Dislokimi i lindur i këllkut, nekroza aseptike)
    • Të gjitha llojet e problemeve të lindura dhe zhvillimore si dislokimi i lindur i këllkut, pes equinovarus, hemimelia
    • Të gjitha sëmundjet ortopedike të fëmijëve si Sëmundja e Perthes, problemet me kockat dhe indet e buta, infeksionet e kockave, mospërputhjet e gjatësisë së ekstremiteteve.
    • Të gjitha llojet e traumave dhe dëmtimeve sportive, frakturave, këputjet e tendinit dhe ligamentit
    • Probleme neuro-muskulore si paralizë cerebrale, mielodisplazia, paralizë obstetrikale, Sëmundje Charcot-Marie Toot.
  • Proteza totale e gjurit
  • Proteza totale e këllkut
  • Sëmundjet e këmbës dhe kyçit të këmbës (Hallux Valgus etj.)
  • Ndërhyrje artoplastike (operacione në këllk, gju, shpatull, operacione të endoprotezës)
  • Sëmundjet e duarve dhe kirurgjia e duarve (ofrohen gjithashtu edhe ndërhyrjet mikrokirurgjikale)
    • Kirurgjia e ekstremiteteve të sipërm
    • Kirurgjia e dorës, kyçit dhe krahut
    • Mikrokirurgjia
    • Replantatimi
    • Transferime e lira të indeve
    • Rindërtimi i të gjitha traumave akute dhe të ekstremiteteve të sipërm, artroplantimet dhe artroskopia e artikulacioneve të vogla
    • Rindërtimi i deformimeve kongjenitale të duarve
  • Tumoret e sistemit muskulor dhe skeletik

Për më shumë informacion mbi sëmundjet e shtyllës kurrizore dhe trajtimin e tyre vizitoni Qendrën tonë të Shtyllës Kurrizore, e cila është një nga qendrat tona të ekselencës.

Grupi i Kujdesit Shëndetësor ACIBADEM ofron cilësinë më të lartë të trajtimit mjekësor dhe kirurgjikal për dëmtimet në lidhje me sportet, me anë të aparaturave të fjalës së fundit, të përdorura nga praktikuesit dhe studiuesit kryesorë të mjekësisë sportive.

Përmes ofrimit të përsosmërisë në mjekësinë sportive, fizioterapisë dhe rehabilitimit, kirurgjisë ortopedike, mjekësisë kardio-pulmonare, fiziologjisë së ushtrimeve, biomekanikës së aplikuar dhe algologjisë, Klinika e Ortopedisë dhe Mjekësisë Sportive pranë ACIBADEM plotëson nevojat e klubeve dhe federatave kombëtare dhe ndërkombëtare, si dhe ato të sportistëve amatorë dhe profesionistë.

ACIBADEM ofron një gamë të plotë shërbimesh nga trajtimi parandalues i dëmtimeve deri në përmirësimin e performancës. Klinika ofron mbështetje klinike, njohuri dhe lehtësira për të maksimizuar trajnimin dhe potencialin konkurrues të sportistëve amatorë dhe profesionistë. Programet stërvitore dhe të edukimit të hartuara posaçërisht përfshijnë fitness dhe shërbime mbështetëse si të ushqyerit dhe dieta, psikologji, fiziologji dhe trajnimin fizik. Klinika gjithashtu trajton dëmtimet sportive dhe ofron shërbime kontrolli për atletët.

Trajtim ekspert dhe lehtësim për një rikuperim të shpejtë

Procedurat e trajtimit të kryera nga specialistët e Klinikës Sportive pranë ACIBADEM mundësojnë që atletët të kthehen më shpejt në karrierën e tyre profesionale.

Mjekësia Sportive

Disiplina e Mjekësisë Sportive është e përbërë nga një staf prej dy mjekësh të mjekësisë sportive dhe një fiziolog për ushtrimet. Mjekët kanë përvojë si konsulent dhe mjekë të grupit për ekipin kombëtar të futbollit turk dhe klubet kryesore të futbollit. Ata gjithashtu kanë shërbyer si konsulentë dhe mjekë të grupit për sporte të tjera si basketbolli, volejbolli, hendbolli, mundja, kanotazhi dhe tenisi. Shërbimet e ofruara nga ekipi ynë i mjekësisë sportive janë si më poshtë:

  • Vlerësimi i ekzaminimeve mjekësore të futbollistëve: kryerja testeve të performancës dhe sipas nevojës, referimi i pacientëve te specialistët e duhur për testime të mëtejshme.
  • Përcaktimi i predispozitës për dëmtime sportive përmes analizimit të lëvizjeve në bashkëpunim me specialistë të biomekanikës së aplikuar. Diagnostikimi i dëmtimeve dhe sëmundjeve në bashkëpunim dhe konsultim me specialistë të tjerë mjekësorë.
  • Zbatimi i programeve të rehabilitimit pas lëndimit ose sëmundjes dhe sigurimi i një rikthimi të sigurt e me performancë maksimale në sportet përkatëse.
  • Monitorimi i performancës së sportistëve nga fiziologë, trajnues, trajnerë dhe ndihmë për atletët në arritjen e performancës së tyre maksimale.
  • Edukimi i lojtarëve mbi shqetësimet shëndetësore në lidhje me dopingun dhe çështjet antidoping.
  • Përshtatja e programeve të stërvitjes kundër mbipeshës dhe stilit sedentar të jetesës.

Fiziologjia e ushtrimeve

Disiplina e fiziologjisë së ushtrimeve kryesisht vlen për katër grupe të ndryshme të pacientëve dhe vizitorëve: Grupi i parë përbëhet nga atletë të shëndetshëm që marrin shërbime parandaluese ose të orientuara nga performanca si vlerësimi i performancës, testimi i ushtrimeve, recetat, këshillimi, etj. Grupi i dytë përbëhet nga sportistë aktivë amatorë ose profesionistë në procesin e kthimit në sport pas një dëmtimi ose pas një operacioni. Grupi i tretë i pacientëve janë ata me një stil jetese sedentare ose ata të përfshirë në sporte rekreative të cilët kryejnë testime dhe shërbime të aftësive diagnostikuese dhe funksionale në planifikimin e ushtrimeve. Grupi përfundimtar përbëhet nga pacientë të prekur nga një sëmundje kronike të tilla si hipertensioni, sindromi metabolik, diabeti ose mbipesha.

Mjekësia kardio-pulmonare

Shërbimet laboratorike të ritmit, ekokardiografia, stërvitja dhe testet jo-invazive siç është monitorimi ambulator i presionit të gjakut, ndërhyrjet siç janë angiografia, kateterizimi, elektrofiziologjia kardiake dhe ablacioni, kryhen pranë Grupit të Kujdesit Spitalor ACIBADEM. Për lojtarët e futbollit, ACIBADEM ofron në mënyrë të veçantë shërbimet e mëposhtme nga pikëpamja e kardiologjisë:

  • Vlerësim përpara lojës dhe këshillime mjekësore para, gjatë dhe pas sezonit të lojës
  • Një trajtim gjithëpërfshirës mjekësor të problemeve të identifikuara
  • Vlerësim i pacientëve me sëmundje kronike që dëshirojnë të ushtrohen; vlerësim i rrezikut, planifikim i ushtrimeve dhe përcaktim i niveleve të praktikës për njerëz të tillë nga mjekësia sportive dhe nga një fiziolog i ushtrimeve.

Mjekësia fizike dhe rehabilitimi

Me 1.000 m2 ambiente të mbyllura dhe 350 m2 hapësira në natyrë, Njësia e Mjekësisë Fizike dhe Rehabilitimit (PM & R) është krijuar për t’u kujdesur për të gjitha llojet e dëmtimeve sportive ose për çdo lloj problemi shëndetësor nga diagnostikimi i tij deri në kthimin e sportistit në lojë. Ekipi i PM & R është përgjegjës për vlerësimin e plotë mjekësor të të gjithë atletëve. Ortopedët, mjekët sportivë dhe fizioterapistët përpiqen që lojtarët të kthehen në rrugën e duhur në kohën më të shpejtë të mundshme, dhe në gjendjen më të mirë mjekësore dhe fizike.

Mjekësia fizike dhe rehabilitimi

Fizioterapia

Mjekët e ekipit të fizioterapisë pranë Klinikës Sportive ACIBADEM janë me përvojë në të gjitha aspektet e rehabilitimit sportiv, me fokus specifik në futboll, dhe kanë kualifikime shtesë në osteopati, në terapinë manuale dhe në fiziologjinë e ushtrimit. Shtatëmbëdhjetë kuti trajtimi në dy sektorët kryesorë të njësisë mundësojnë të gjitha llojet e modaliteteve në një spektër shumë të gjerë të fizioterapisë. Njësia e Fizioterapisë është e pajisur me një pishinë rehabilitimi dhe stërvitjeje që ka pajisje si hidro-masazh dhe pishinë të pafund, një pistë me kontroll të gravitetit të përshtatur, një sistem izokinetik, sisteme vlerësimi dhe përmirësimi të balancës, trajtim ESWT dhe shumë modalitete të tjera. Fusha e barit artificial e rekomanduar nga FIFA 36 × 8 metra dhe pista vrapuese prej 40 × 1.65 metër përdoren si nga futbollistët ashtu edhe nga atletët e tjerë në fazat e rikuperimit dhe rehabilitimit.

Biomekanika e Aplikuar

Njësia e Biomekanikës së Aplikuar përdor sisteme të shpejtësisë së lartë të kamerave dhe analiza të sistemit të lëvizjes që mundësojnë vlerësimin shkencor të të ecurit dhe aftësive të tjera, modeleve dhe aftësive të lëvizjes atletike. Këto përdoren jo vetëm nga atletët por edhe nga pacientët me një mori çrregullimesh ortopedike dhe neurologjike. Si rezultat i këtyre analizave:

  • Mund të hulumtohet dhe diagnostikohet kinematika dhe biomekanika e atletit të prekur, duke rezultuar në një plan trajtimi më të saktë të hartuar në përputhje me nevojat
  • Atletët mund të monitorohen dhe vlerësohen rregullisht, duke identifikuar çdo atlet të prirur për dëmtim dhe duke marrë masat parandaluese të nevojshme
  • Atletëve mund t’iu përshkruhen ushtrimet e nevojshme dhe orthosis dinamike bazuar në të dhënat e mbledhura nga analiza. Gjithashtu duke përdorur këto të dhëna mund të bëhen kërkime shkencore dhe analiza.
  • Njësia ofron përvojë dhe ekspertizë specifike në vlerësimin e ecjes dhe drejtimit, dhe përdorimin e materialeve korrigjuese si shollat për korrigjimin e problemeve të identifikuara.

Algologjia

Departamenti i Algologjisë ndihmon në trajtimin e lojtarëve të futbollit përmes blloqeve nervore të vazhdueshme, ndërhyrjeve epidurale, blloqeve simptomatike, aplikimeve intra-diskale dhe intervertebrale dhe teknikave neuro-ablazive dhe neuro-modulative. Klinika ka të gjitha pajisjet dhe infrastrukturën e nevojshme për algologjinë: një dhomë për ndërhyrje, pajisje stimulimi, gjenerator lezionesh, krioterapi, gjenerator ozoni dhe një sallë operative me staf 24/7. Si atletët ashtu dhe njerëzit sedentarë që vizitojnë algologjinë zakonisht vuajnë nga dhimbje në qafë dhe shpinë për shkak të problemeve vertebrale.

Dieta & të ushqyerit

Klinika ka një dietolog të caktuar për të ndihmuar dhe edukuar pacientët, atletët amatorë dhe profesionistë të të gjitha moshave, në të gjitha fushat e sportit dhe të të dyja gjinive. Një dietolog vlerëson të ushqyerit e përditshëm të pacientëve dhe jep rekomandime sipas nevojave. Ai / ajo gjithashtu konsulton atletët që kanë nevojë për kontroll të peshës dhe planifikon strategji ergogjenike / me ushqime plotësuese për të arritur performancën optimale. Ekspertiza e ofruar përfshin planifikimin e përgjithshëm të vaktit, konsultimin për humbje ose mirëmbajtje të peshës, monitorimin dhe vlerësimin e përbërjes së trupit, edukimin e ekuilibrimit të hidratimit dhe elektroliteve dhe planifikimin e të ushqyerit optimal para, gjatë dhe pas praktikës, kompeticionit dhe shërimit, si dhe edukimin për planifikimin e përdorimit të zgjuar të suplementëve, kërcënimet nga doping dhe çështjet antidoping.

Psikologjia

Klinika gjithashtu ka një psikolog të caktuar që ofron mbështetje mendore, konsultime dhe shërbime psikologjike plotësuese për sportistët, kryesisht para dhe pas operacioneve ose për të përmirësuar performancën atletike të atletëve jo të lënduar. Popullata e pacientëve / vizitorëve përfshin atletë amatorë dhe profesionistë të të gjitha moshave, të të dyja gjinive, dhe nga të gjitha fushat e sportit.

×
Search