Kanceri I Gjirit

Kanceri I Gjirit

Qendra e kancerit të gjirit Acıbadem prej 30 vjetësh ofron shërbim për pacientet me kancer të gjirit. Është i pari dhe i vetmi institucion për kancerin e gjirit në Turqi i certifikuar nga bordi i arsimit të lartë. Ai quhet Instituti për Kërkimet Senologjike Acıbadem. Ka më shumë se 30 mjekë dhe specialistë nga departamente të tjera të tilla si kirurgjia e përgjithshme, radiologjia, patologjia dhe gjenetika, onkologjia mjekësore, radioterapia onkologjike, kirurgjia kozmetike dhe kirurgjia plastike, ku është adaptuar një qasje multidisiplinare për të gjitha pacientet.

Simptomat

Kanceri i gjirit mund të shkaktojë disa ndryshime në lëkurën përreth gjirit, si: ënjtje, skuqje, tërheqje apo inversion të thithave, dhimbje të gjirit ose të thithave, ndryshime në gjëndrat limfatike, gropëzim, rrjedhje nga thithat, ndryshime në strukturën e lëkurës së gjirit. Sipas Prof. Cihan Uras, i cili është drejtori i Institutit të Senologjisë Acıbadem: “Gratë duhet të jenë të vetëdijshme për gjendjen e gjirit të tyre. Nëse ato kontrollojnë gjirin e tyre çdo muaj, ato mund të jenë të vetëdijshme për ndryshimet që mund të ndodhin në fillimet e kancerit. Kushdo që vëren ndonjë nga këto ndryshime duhet të konsultohet menjëherë me një mjek.”

Shkaqet

Në jetën e një gruaje, rreziku i prekjes nga kanceri i gjirit është rreth 12%. Faktorët kryesorë të rrezikut janë mosha dhe kanceri i gjirit në familjen tuaj. Deri në 10% të rasteve të kancerit të gjirit shkaktohen nga mutacione të trashëguara gjenetike. Në ditët e sotme, mund të analizohet rreziku i zhvillimit të kancerit të gjirit për pacientet me predispozitë familjare në ato raste ku mund të merren masa parandaluese. Rritja e peshës rrit rrezikun e kancerit të gjirit, veçanërisht tek gratë në menopauzë. Konsumimi i alkoolit gjithashtu rrit rrezikun, ndërsa efektet e pirjes së duhanit janë ende me pikëpyetje. Ndërkohë, ushtrimet dhe aktiviteti i rregullt fizik ulin rrezikun e kancerit të gjirit. Shkaqet e sakta të kancerit të gjirit janë ende të paqarta. Një nga misionet e Institutit të Senologjisë Acıbadem është të hulumtojë shkaqet e kancerit të gjirit.

Si diagnostikohet kanceri i gjirit?

Në Acıbadem, ndër shërbimet që disponohen për diagnostikimin e kancerit të gjirit janë ekzaminimi klinik i gjirit, mamografia digjitale me tomosintezë 3D dhe ekografia 4D, si dhe biopsia. Programet për kontrollin e kancerit të gjirit zhvillohen duke edukuar pacientet për vetë-kontrollimin e gjirit.

Për më tepër, gratë që kanë rrezik të lartë për kancerin e gjirit ndiqen rregullisht, së bashku me këshillimin e personalizuar. Këtu, synohet të sigurohet diagnoza e hershme për gratë që janë në rrezik, në mënyrë që të minimizohen rreziqet në të ardhmen.

Trajtimet e kancerit të gjirit

Mjekët mund të aplikojnë mundësi të shumta trajtimi, sipas fazës dhe llojit të kancerit të gjirit. Kirurgjia është e pashmangshme në trajtimin e kancerit të gjirit, por ajo nuk është gjithmonë hapi i parë. Në disa raste, pacientja ka nevojë për radioterapi para operacionit, ndërsa në disa raste, mund të aplikohet kimioterapia para operacionit.

Shkurtimisht, çdo paciente dhe çdo tumor kanë një sfond të ndryshëm dhe kërkojnë një qasje dhe trajtim të individualizuar.

Kirurgjia mbrojtëse e gjirit

Për shkak të përsëritjes sistemike, ose me fjalë të tjera përhapjes (metastazës),kanceri i gjirit është jetik për pacientet. Në këtë kontekst, preferohet heqja e indeve me tumor me anë të një operacioni mbrojtës në vend të heqjes së plotë të gjirit. Me kirurgjinë mbrojtëse të gjirit, indi i tumorit hiqet së bashku me rreth 1-2 cm nga indet normale të gjirit përreth tumorit (prerje e madhe, tumorektomi, lumpektomi).

Teknika të tjera të bazuara në heqjet e pjesëve më të mëdha të këtij rajoni në gji quhen “quadrantektomi” ose “mastektomi parciale”. Ndërsa për sa i përket masave që mendohen si malinje, që janë të shënuara me tel përmes mamografisë ose echos, pas heqjes me teknikën e udhëhequr nga teli ose me teknikën ROLL (Radionuclide-Guiding Occult Lesion) ato filmohen dhe kontrollohen nëse janë hequr apo jo.

Në Qendrën e Kancerit të Gjirit Acıbadem, ne gjithmonë përpiqemi të zgjedhim kirurgjinë mbrojtëse të gjirit.

Mastektomia totale

Mastektomia është një metodë e aplikuar në situatat kur kirurgjia mbrojtëse e gjirit nuk është e përshtatshme. Në disa raste, kërkohet heqja e të gjithë gjirit në trajtimin kirurgjikal për kancerin e gjirit. Bëhet e nevojshme heqja e të gjithë indeve të gjirit kur tumori brenda gjirit është multicentrik, që do të thotë se ai është i pranishëm në shumë pika në vende të ndryshme. Raste të tilla kërkojnë heqjen e të gjithë indit të gjirit edhe nëse kanceri nuk është në një fazë të avancuar. Gjithashtu është e nevojshme që i gjithë indi i gjirit të hiqet për llojet e kancerit të gjirit, në të cilat manifestohen kalçifikime të gjera brenda gjirit, referuar si mikro-kalçifikime dhe të cilat zbulohen gjatë mamografive.

Kirurgjia e kancerit të gjirit e asistuar nga robotët

Kirurgjia kryhet shumë më saktë, pasi roboti zmadhon vendin e fushës kirurgjikale me 12 herë. Kështu, rreziku i formimit të tumorit gjithashtu zvogëlohet ndjeshëm. Kirurgjia e asistuar nga robotët kryhet me një tub të vetëm, të quajtur “port”, i ngjashëm me ato që përdoren në kirurgjinë laparoskopike. Nga ana tjetër, dy kamera me fibër optike me qartësi të lartë transmetojnë pamje tre-dimensionale të zmadhuara (min. 12x) të fushës kirurgjikale në ekran. Kështu, fusha kirurgjikale mund të shihet qartë në detaje. Për më tepër, instrumentet robotikë, të cilët mund të rrotullohen me 540 gradë në boshtin e tyre, mund të arrijnë kudo ku është shumë e vështirë për të vepruar. Si rezultat, kjo u siguron mjekëve më shumë fleksibilitet në krahasim me operacionin e hapur.

Radioterapia

Gjatë trajtimit kirurgjikal të kancerit të gjirit, mjekët mund të aplikojnë një dozë të vetme të radioterapisë tek disa paciente, ndërkohë që prerja nuk është mbyllur ende. Kjo kërkon që tek pacientja të përmbushen disa kritere. Është e nevojshme që pacientet të jenë mbi 50 vjeç dhe tumoret e tyre të kenë një strukturë biologjike e cila nuk kërkon kimioterapi. Pacientja që i përmbush këto kritere duhet të marrë radioterapi për periudhën pas operacionit. Një aplikim i vetëm i radioterapisë në indet e hapura i shpëton ato nga një periudhë më e gjatë e radioterapisë.

Qendra e Kancerit të Gjirit Acıbadem përdor një pajisje të veçantë robotike e cila përfshin një pllakë plumbi që gjatë radioterapisë vendoset në murin e kraharorit mbi rajonin e synuar. Pajisja fokusohet dhe përqendrohet tek shënjestra, duke bërë të mundur që vetëm indi i synuar të marrë rrezatim. Kjo mbron pjesën tjetër të trupit dhe organeve nga efektet e radioterapisë. Procedura mbron pjesët e shëndetshme të trupit të pacientes dhe siguron që trajtimi i pacientes të përfundojë në një kohë më të shkurtër.

Kimioterapia

Në Qendrën e Kancerit të Gjirit Acıbadem, ne përpiqemi veçanërisht të shmangim fillimin e trajtimit me operacion në tumoret e fazës 2 dhe më lart. Në raste të tilla të avancuara, bëhet marrja e mostrave nga tumori, analizimi i strukturës biologjike të tij, diskutimi i rastit në bordin e tumorit dhe vendosja e një plani trajtimi.

Një nga avantazhet e fillimit të trajtimit mjekësor, e cila është kimioterapia, është mundësia që natyra e procedurës kirurgjikale që do të zbatohet mund të ndryshojë për mirë. Për shembull, operacioni në një paciente me kancer lokal të gjirit të avancuar, i cili gjithashtu përfshin zonën axilare kërkon heqjen e të gjitha gjëndrave limfatike. Megjithatë, kimioterapia mund të eliminojë kancerin nga gjëndrat e përmendura dhe t’i kthejë ato në gjendjen që ishin në fazat e hershme të sëmundjes. Kjo u lejon mjekëve të provojnë metodën e heqjes në fazën e hershme të një mostre të gjëndrës për analizim.

Nëse rezulton se qelizat kanceroze eliminohen plotësisht nga mostra, atëherë nuk hiqen të gjitha gjëndrat limfatike. Kjo eliminon plotësisht rrezikun e zhvillimit të limfedemës në fazat e mëvonshme të jetës së pacientes. Kjo është një nga risitë më të rëndësishme të viteve të fundit.

Një përfitim tjetër i fillimit me trajtimin mjekësor është të qenit në gjendje të shihet efektiviteti i ilaçit të aplikuar. Tek pacientet që gjithsesi janë të detyruara të marrin kimioterapi, nëse tumoret hiqen që në fillim është e pamundur të kuptohet efektiviteti i kimioterapisë. Ndërkohë që është lehtësisht e mundur të gjykohet nëse kimioterapia ka ndonjë efekt. Kjo është e dobishme sepse ende mund të jetë e nevojshme të rifillohet kimioterapia pas operacionit, në varësi të rezultateve të analizës patologjike pas operacionit.

Me pak fjalë, fillimi me trajtimin mjekësor përfshin shumë përparësi përfitimi, veçanërisht në rastet e kancerit në fazë të avancuar. Prandaj, në disa raste zgjedhja e parë mund të jetë trajtimi mjekësor në vend të trajtimit kirurgjikal.

Rindërtimi i gjirit

Restaurimi i gjirit kryhet për të rikthyer formën natyrale të gjirit pas kancerit. Në këtë kontekst, restaurimi i gjirit nuk është një operacion kozmetik, por një restaurim (rindërtim), me fjalë të tjera, duhet parë si zëvendësim i një gjymtyre të humbur për shkak të sëmundjes. Përmes përmirësimeve të reja në shkencën mjekësore, kirurgët tani mund të përftojnë një gji si të ishte i vërtetë. Specialistët e kirurgjisë plastike dhe rindërtuese janë gjithashtu pjesë e ekipit të trajtimit të kancerit të gjirit. Këta specialistë kryejnë operacione për të shndërruar gjirin në mënyrë sa më natyrale, nëse kërkohet.

“Në rastet kur heqim tërë gjoksin është e mundur që ne ta rindërtojmë indin e gjirit. Kjo është ajo që ne preferojmë në çdo rast. Në vend që të rindërtojmë gjirin më vonë, ne preferojmë të kryejmë procedurën në të njëjtën kohë me heqjen e gjirit,” thotë Prof. Cihan Uras.

Teknologjitë mjekësore

Instituti i Senologjisë Acıbadem zotëron teknologjinë më të fundit në fushën shëndetësore. Instituti i Senologjisë është një nga qendrat e rralla në të gjithë botën që ka të gjitha teknologjitë shëndetësore për trajtimin dhe diagnostikimin e kancerit të gjirit.

Jeta pas trajtimit të kancerit të gjirit

3 vitet e para pas trajtimit të kancerit të gjirit pacientet duhet të ndiqen përmes vlerësimeve të hollësishme shëndetësore. Kanceri i gjirit rikthehet lokalisht – në vendin kirurgjikal – në 30 % të rasteve dhe në organet e largëta në 70 % të rasteve. Zakonisht përsëritja ndodh brenda 3 viteve të para. Prandaj, është e nevojshme që pacientet të ndiqen nga shumë afër, veçanërisht në tre vitet e para. Vizitat pasuese janë në përgjithësi planifikohen si më poshtë: Në intervale 3-mujore në tre vitet e para, në intervale gjysmë-vjetore në dy vitet pasuese dhe çdo vit pas pesë vitesh.


Lajme dhe Artikuj të Fundit

4 ZHVILLIMET E REJA PËR TRAJTIMIN E KANCERIT TË GJIRIT
4 ZHVILLIMET E REJA PËR TRAJTIMIN E KANCERIT TË GJIRIT

Kanceri i gjirit, i cili është lloji më i zakonshëm i kancerit që haset tek gratë si në vendin tonë dhe në pjesën tjetër të botës, haset në një nga çdo 8 gra. Ndërsa shkalla e incidencës së kancerit të gjirit është më e lartë për gratë mbi moshën 40 vjeç, sëmundja haset më shpesh […] Read More
TEKNIKAT E REJA KIRURGJIKALE NE TRAJTIMIN E KANCERIT TE GJIRIT.
TEKNIKAT E REJA KIRURGJIKALE NE TRAJTIMIN E KANCERIT TE GJIRIT.

Prof.Dr.Cihan Uras, Shef i Institutit Të Kërkimeve Shkencore në Trjajtimin e kancerit te gjirit ne Spitalin Acibadem na informon rreth rëndësisë së diagnostikimit të hershëm të kancerit të gjirit. Prof.Cihan Uras na informon më gjeresisht rreth terapive më të fundit dhe kirurgjisë estetike në mastektomi. Metodat baze radiografike në diagnositikim e kancerit të gjirit dhe […] Read More
×
Search